Çdo SIK është i strukturuar si një "fond ombrellë" që përfshin grupe të veçanta asetesh (secila referuar "nënfond") dhe emeton kategori të ndryshme kuotash (këtu dhe më poshtë referuar "Kuotat") të cilat lidhen në mënyrë specifike me këtë Nënfond ose Nënfonde sikundër përshkruhet në Prospekt. Brenda secilit Nënfond, mund të emetohen disa kategori kuotash karakteristikat e të cilave përshkruhen në prospektin e çdo SIK-u.

SRI - klasifikimi i rrezikut: Treguesi përmbledhës i riskut është një udhëzues për nivelin e riskut të këtij produkti në krahasim me produktet e tjera. Tregon se sa gjasa ka që produkti të humbasë para për shkak të lëvizjeve në tregje ose për shkak të pamundësisë për t’ju paguar.

Fondet e investimit shoqërohen me një periudhë të caktuar të rekomanduar qëndrimi në fond dhe një nivel të cakutar risku, në varësi të instrumenteve financiare që gjenden në strukturën e tyre. Kështu, investitorët me një tolerancë më të lartë ndaj riskut preferojnë të investojnë paratë e tyre në një fond të përbërë kryesisht nga aksione, ndërsa investitorët me tolerancë të ulët ndaj riskut preferojnë të investojnë në fonde që investojnë kryesisht në obligacione ose instrumente të tregut të parasë.
Përpara çdo investimi, investitori duhet të kryejë dhe të vlerësohet për njohuritë dhe përvojën e tij dhe përshtatshmërinë për produktin e zgjedhur.

Ti mund të bëhesh investitior në fondet kolektive të investimeve duke nënshkruar një urdhër blerjeje në një nga degët e autorizuara të Intesa Sanpaolo Bank Albania.

Shuma minimale e investimit në fond është 500 euro. Të lutemi referoju:

i) Prospektit dhe ii) Dokumentit të Informacionit Kryesor për investitorin për më shumë informacion.

Ju mund të kërkoni të shisni kuotat e fondit në çdo kohë pa njoftim paraprak. Kërkesat për blerjen, shkëmbimin ose shitjen e kuotave të fondit që merren dhe pranohen nga agjenti transferues deri në orën 04:00 PM të çdo dite që është një ditë pune në Luksemburg përpunohen zakonisht ditën pasuese të punës.

Investimi në fond nuk ka afat të caktuar kohor. Investitori mund të rrisë dhe zvogëlojë investimin në çdo kohë.

Investimi në fond nuk është i siguruar nga agjencia e sigurimit të depozitave.

Ju lutemi referojuni faqes së internetit të bankës Intesa Sanpaolo dhe faqes së internetit të Eurizon Capital SA https://www.eurizoncapital.com/