Studimi i ri nga Accenture zbulon se kompanitë që përqafojnë plotësisht parimet e qëndrueshmërisë dhe dixhitalizimit kanë dy herë e gjysmë më shumë mundësi të lulëzojnë si performuesit më të mirë në të ardhmen. Ai sugjeron që parimet e qëndrueshmërisë dhe dixhitalizimit mund dhe duhet të kombinohen midis tyre për të siguruar jetëgjatësinë e biznesit.

“Këta janë motorët më të rëndësishëm të rritjes ekonomike në të ardhmen,” thotë Marco Cesareo, Partner i Biznesit Dixhital – Bankat e Filialeve Ndërkombëtare. “Ka korrelacione të forta ndërmjet këtyre dy faktorëve. Kompanitë që kryejnë transformim bazuar në këto koncepte të kombinuara kanë mundësi më të mëdha për rritje në të ardhmen.”

Dëgjo podcast-in për të zbuluar më shumë.

Grupi Intesa Sanpaolo ka vënë gjithmonë qëndrueshmërinë dhe dixhitalizimin në krye të axhendës. Shembujt e fundit janë lançimi i aplikacionit të suksesshëm të bankingut celular dhe partneritetet me Google për të krijuar dy qendra të mëdha rajonale të të dhënave në Itali. Banka është gjithashtu partneri i parë strategjik i shërbimeve financiare të Fondacionit Ellen MacArthur.

Intesa Sanpaolo është e angazhuar për arritjen e objektivit neto zero deri në vitin 2030 për emetimet e vetë bankës dhe për portofolet e saj të investimeve dhe financimit deri në vitin 2050. Banka i është bashkuar gjithashtu aleancave neto zero në të gjithë bizneset me të cilat ka bashkëpunime.

Emetimet totale të grupit janë reduktuar me 60 për qind që nga viti 2008. Në Itali, Intesa Sanpaolo përdor 100 për qind energji të rinovueshme dhe është e angazhuar të shpërndajë politikën e burimeve të rinovueshme në degët ndërkombëtare të saj në mbarë botën deri në vitin 2030.

Vënia në funskion e financës për të sjellë një ndryshim

Siç u përmend më lart fokusi më i veçantë është në arritjen e qëndrueshmërisë – Cesareo krediton Drejtorin Ekzekutiv Carlo Messina duke dhënë një shembull për të gjithë bankën – Intesa Sanpaolo ka përdorur financat për të bërë një ndryshim.

Ajo ka nisur S-Loans për të favorizuar investimet e qëndrueshme në BVM-të, ka vendosur në dispozicion bono jeshile për të mbuluar hipotekat e gjelbra për ndërtesa me efikasitet të lartë energjetik dhe ka mbështetur korporatat në tema të tranzicionit të gjelbër, qarkullues dhe ekologjik, në përputhje me prioritetet e përcaktuara në Rimëkëmbjen Kombëtare të Italisë dhe Planin e Rezistencës (PNRR).

Në lidhje me PNRR-në, banka do të mbështesë tranzicionin drejt ekonomisë së gjelbër duke ofruar rreth 90 miliardë euro kredi të reja.

Intesa ka pasur një angazhim të gjatë ndaj inovacionit teknologjik – ajo u veçua nga Forrester si një lider i inovacionit dixhital për aplikacionin e saj bankar të përdorur gjerësisht – dhe është e përkushtuar të gjejë zgjidhje teknologjike për biznesin përmes Qendrës së saj të Inovacionit.

Nisja me një investim prej 650 milionë eurosh të Isybank – një bankë e re vetëm dixhitale që do t’u shërbejë katër milionë klientëve me pakicë – është një tjetër hap përpara drejt praktikave inovative bankare.

Ndërthurja mes qëndrueshmërisë dhe dixhitalizimit

Niveli tjetër në rritje për Intesa Sanpaolo - dhe ndoshta një shembull për biznesin evropian në të gjithë bordin - është kombinimi i mëtejshëm i këtyre dy rrymave të përpjekjeve. Aplikacioni Intesa Sanpaolo, i përdorur nga nëntë milionë klientë, është një shembull i mirë se si teknologjia mund të reduktojë përdorimin e materialeve fizike që shkatërrojnë pyjet dhe ndotin si mbetje.

"Çdo projekt dhe ofrim ka një ndikim të madh në qëndrueshmëri," thotë Cesareo, duke theksuar se ndikimi pozitiv mjedisor do të ishte i jashtëzakonshëm nëse të gjitha projektet e kompanive do të hartoheshin duke pasur parasysh faktorët mjedisorë, socialë dhe të qeverisjes (QMS), në vend që këta të fundit të trajtoheshin si shërbime unike që kryhen vetëm kundrejt pagesës.

Pandemia ndihmoi që shumë kompani evropiane të shpejtojnë sa i përket dixhitalizimit dhe kjo ka ndikuar në profilet e tyre të qëndrueshmërisë. Puna në shtëpi është një shembull i një përpjekjeje dixhitalizimi që ka çuar në më pak udhëtime. Si rezultat çlirimi i karbonit në atmosferë është ulur dhe gjurma e tij dhe e gazeve të tjera serë është zvogëluar.

Marco Cesareo beson se ky është vetëm fillimi i një transformimi që do të shohë kompanitë të rriten përmes marrëdhënieve reciproke të dobishme të dixhitalizimit dhe qëndrueshmërisë. Dëgjoni podcast-in për të mësuar më shumë.