Në bankë ose në degën e bankës së huaj në masën 100 për qind, por në çdo rast jo më shumë se 2 500 000 Lekë, pavarësisht numrit të depozitave apo llojit të monedhës të tyre, të depozituara në këtë bankë. 
Në këtë mënyrë, paratë e Tua janë të sigurta në Banka dhe janë edhe të siguruara me zero kosto për ty si klient deri në një shumë maksimale prej 2,500,000 lekësh. Janë Bankat ato që kanë detyrimin ligjor të paguajnë për sigurimin e depozitave. Nëse një klient (rezident, jo rezident, individ apo subjekt biznesi) ka jo vetëm një llogari rrjedhëse, pra ka edhe llogari kursimi apo depozite, pavarësisht monedhës, shuma totale e parave në të gjitha llogaritë së bashku deri në maksimumin prej 2,500,000 lekësh është e siguruar. Agjencia e Sigurimit te Depozitave ka krijuar një fond i cili shërben për të siguruar dhe kompensuar depozitat. Procesi i kompensimit nis kur Agjencia e Sigurimit të Depozitave njoftohet nga Autoriteti mbikqyrës që banka ka filluar procesin e likuidimit të detyrueshëm. Depozitat në valutë kompensohen deri në limitin e përcaktuar nga ligji. Ato konvertohen në monedhën Lek me kursin e përcaktuar nga Banka e Shqiperisë në ditën që Banka është vënë në likuidim.